Mir Membere vum Conseil d’Administration vu « LuDUS asbl. – Léieruert fir Demokratie, Uechtsamkeet a Selbstbestëmmung »  wëlle jonke Mënschen (Kanner a Jugendlechen) d’Méiglechkeet bidden, zesummen hiren Dag ze verbréngen, dobäi ze léiere sech selwer an anerer ze respektéieren an hir eege Perséinlechkeet souwéi hiert eegent Potenzial iwwer selwer gesteiert Léierprozesser ze entdecken.

Max

Misch

Georges

Mim

De Max ass e “Freelance” Batteur / Songwriter / Recording-Ingenieur a Musekproff aus Lëtzebuerg. Hien huet Musek a Musek Pädagogik am Conservatoire zu Lëtzebuerg an an dem Conservatoire zu Maastricht studéiert. Hien huet 12 Joer als Chargé de Cours an enger Museksschoul zu Grevenmacher geschafft, wou hien Batterie, Percussioun, Combo an “éveil musical” ennerriicht huet. Zënter September 2017 schafft hien Freelance an entwéckelt verschidde Weeër wei een Musek ob eng spillerech Art entdecken kann. Hien ass och aktiv an der “Frailéierer” Gemeinschaft zu Letzebuerg wou hien hëlleft Treffen a Konferenzen iwwer an mat Selbstbestemmt Léiren ze organiséieren.

https://maxsauberdrums.wordpress.com

Schonn als Jugendlechen huet de Misch aner jonk Mënsche beim Léiere begleet. Als Jugendvertrieder an engem lokale Veräin an als Member vun enger Jugendbeweegung huet hien sech scho fréi a sengem Liewe fir d’Rechter vu jonke Mënsche staark gemaach. Säit sengem Ofschloss am „Bachelor en sciences de l’éducation“ op der Universitéit Lëtzebuerg am Joer 2015 schafft de Misch als Schoulmeeschter mat Mënschen tëschent 3 an 12 Joer zesummen. Besonnesch interesséieren hien d’Beräicher Participatioun, Berodung, Nohaltegkeet a Beweegung. Ënnert anerem zu dësen Themen mécht hie reegelméisseg Weiderbildungen. A senger Fräizäit schreift de Misch gäre Gedichter. Hie mécht och ënnerschiddlech Sportaarten a spillt Trompett. A senger Heemechtsgemeng engagéiert hien sech fir déi gesellschaftlech Integratioun vun alle Bierger.

De Georges schafft zënter 1986 als Enseignant am Grondschoulberäich. Hien huet Erfahrung mat Kanner- a Jugendgruppen am Kader vun der Friddenserzéiung. Während 7 Joer huet hie beim soziokulturelle Radio d’Kannersendung “Krappschass & Co.” mat moderéiert. Och privat ass hie faszinéiert vun Toun a Musék. Ausserdeem intresséiert en sech fir Science Fiction, Comics, Konscht, (Poppen-)Theater, d’Natur an d’Evolutioun vum mënschleche Bewosstsin, Naturwëssenschaft, Philosophie, Ethik, Meditatioun a Yoga a fir Schräinerei, Permakultur a vegan Ernährung. Hie wandert a schnorchelt gär a spillt gär Gesellschaftsspiller. Net sou frou ass e mat Alkohol, Autoen an Atomkraaftwierker.

Member

Dominique

Diane

Kim

Du?

Säit senger Kandheet ass d’Dominique vun all Aart vu Liewewiese begeeschtert. Als Biologieproff kombinéiert hatt d’Zesummesi mat jonke Mënschen an Theme wéi ganzheetlech Naturerfarung, Nohaltegkeet an Ëmweltbewosstsinn. Inspiratioun fir seng Liewensrees fënnt hatt a senger Famill, der Natur, der Musek an dem Danz, “Was-ist-Glück?”, anere Kulturen, Mënschen, …

Fir d’Diane gehéiert zu senger Aufgab als Elterendeel, dass hatt sech, seng Gewunnechten an déi vun der Gesellschaft reegelméisseg a Fro stellt, adaptéiert an Alternativen ausprobéiert.

Esou erfuerscht d’Diane, wéi hatt seng dräi jonk Kanner beim Léieren a Liewe begleede kann a begéint dobäi Konzepter wéi gewaltfräier Kommmunikatioun, Akzeptanz, Léift, Respekt, souwéi verschiddene Liewens- a Bildungsalternativen. Sinn déi traditionell Erzéiungs- a Bildungsoptioune vun eiser Gesellschaft de beschte Wee fir glécklech ze ginn ? Eise Léieruert ass sécherlech eng méiglech Alternativ dozou.

D‘Kim, Psychologin, schafft an der non-formaler Bildung (Crèche, Jugendhaus, Maison Relais). Hatt leet besonnesch Wäert drop, dass Kanner a Jonker d’Geleeënheet kréien, hir Kreativitéit voll auszeliewen a begeeschtert si gären zu Projeten, an deenen et ëm Wëssenschaft oder Literatur geet. Him ass et och wichteg, jonk Leit zu méi Eegeneffizienz an Autonomie ze motivéieren. A senger Fräizäit schreift hat Fantasy Bicher, geet an de Kino, bitzt geckeg Kleeder fir Photoshootings a besicht Floumärt mat Kollegen.

Member